Endam Fulaabe Jalbinanii Tabital Pulaaku

Enɗam Fulaaɓe
Jalbinanii Tabital
Pulaaku
Banndiraaɓe tedduɓe,
miɗo anndina on
dental Enɗam Fulaaɓe
fooynii (jalbii) he
tunndu Tammbaa-
kunndaa, ko ngal
dental ɓamtaare
leñol.
Ngal dental daranii ko
ngotaagu Fulɓe e
janngude ɗemngal
Fulfulde, ngal jaɓɓike
terɗe Tabital Pulaaku
Winndere (TPW) e
denndaangal peŋɗe
Tabital Pulaaku
Senegaal (TPS) e
jaale jaagorɗe laamu
Senegaal, ñande
15/02/2014 he
dinngiral galle
laamorde Tammbaa-
kunndaa (Mairie).
Ɓe kollii banndiraaɓe
ɓee enɗam pulaagu e
yiɗude kawral ɓiɓɓe
leñol ngol, ɓe mbii
Pullo wonataa koɗo he
Tammbaa-kunndaa,
ngam enndu enɗam
Fulɓe immaade he
maayo woɗeewo to
fuɗnaange Afrik haa
yottii he fiiltiingo
Atlantik to hirnaange
Afrik ko gootum, ko
ɗuum waɗi ɓe
njaɓɓori arɓe ɓee
teddungal e enɗam
pulaagu, ɓe mbii : on
ngiwii to mon on
ngarii ga mon.
Sakiraaɓe tedduɓe,
nde jaɓɓondiral
enɗam e korsa leñol
yawti, ɓe kolliti min
woni noddaandu nduu
ko hono mbaɗeten ?
Woni jaabawol ngal
lamndal ko yoo en
kawru he ngotaagu
leñol Fulɓe, yoo en
ndenndu he nafa
maggol yoo en
njanngu ɗemngal
fulfulde, haa enɗam
pulaagu heddoo,
semmbe leñol ngol
ɓeydoo yahrude yeeso.
Ina jeyaa he haaluɓe
ɓee jaagorgal banta
ngenndi Senegaal
(Assemblée national
Sénégal) woni Aliw
Demmburu Soh, o
anndini banndiraaɓe
ɓee wonde hooreejo
ngenndi Senegaal ina
darii he wallude
aynaaɓe e remooɓe,
jooni heddii ko
aynaaɓe e remooɓe
yoo ndaro jogitanoo
(njaggana) mo, o
yaltini ɗereeji o holli
banndiraaɓe no ɗi
kebbinirtee.
Ɓaawo ɗuum jaarga
“maire” Tammbaa-
kunndaa woni Wuuri
Bah, hirjini
banndiraaɓe ɓee he
ngotaagu leñol ngol, o
anndini ɓe omo he
darnde maɓɓe he kala
tuma (saa’i), o wii : o
okkii peŋgal Tabital
Pulaaku Senegaal
Tammbaa-kunndaa
dunkiire (terrain) ɓe
maha ɗoon galle
Fulɓe.
Ɓaawo ɗuum
yarlitaniiɓe leñol ngol
ndokkiri fotde ga’i
tati keɓaa he ndee
jonnde. Ɓaawo ɗuum
lomtiiɗo hooreejo TPW
woni Buubakar
Baalnde yottini
konngol hooreejo
Aamadu Alfaa Jallo.
Ɓaawo dental ngal
rokkiri seedeeji waso
ɗi mbaadiiji ɗiɗi; woni
daraniiɓe ɗemngal
ngal e daraniiɓe
ngyanaaka. Ɓaawo
ɗuum ceerno Yuusuf
Baalnde e Tijjaani
Mbaalo ndokkaa
konngol ɓe kirjini
banndiraaɓe ɓee.
Ɓaawo ɗuum peŋɗe :
peŋgal ngenndi
Gambiya e Welingaraa
e Bakkel e jaarga
(maire) saare Ngudiri
woni Ceedel Jallo, e
jooɗaniiɗo laamu
Senegaal he Tammbaa-
kunndaa woni «
préfet » ɓee piiw
(foppet) kirjini
banndiraaɓe ɓee ko
feewti he ngootaangu
leñol ngol e janngude
ɗemngal Fulfulde.
Setodiiɓe enɗam
pulaagu, nde ɗii
konnguɗi kaaletee
tawi ko yoga he
naalankooɓe
yarlitaniiɓe leñol ngol
ina ndarii ina kollira
pinal men.
Musiɓɓe tedduɓe ɗum
ɗoo ko seeɗa he ndee
ñaloomaare nde Fulɓe
tunndu Tammbaa-
kunndaa kebli, hiɗen
(enen) njetta ɓe
sanne eɗen ñaagii
kala peŋgal TPS ɗo
woni yoo ñemmbu ɓe,
haa Fulɓe ɓeydoo
anndoondirde.
On njettaama.
Kdl: cnTidiane Mballo
www.peeral.com