Suudaan: Fulɓe Mawninaama
To Koolol Leƴƴi E Perndamji
Ɗuuɗuɗi
Tuesday, 21 January 2014
KABAARU
Kɗl:
Umar
Abuubakir & Buubakir
Muhammad Sammbo
Suudaan ko leydi ɗuuɗundi leƴƴi
e perndamji (pine), ɗum addi
ndi wonude ɗuuɗundi ɗemɗe e
ndonuuji.
Ngol ɗuuɗugol leƴƴi, perndamji,
ɗemɗe e ndonuuji waɗi haa
haaɗtirdeeji (ﺠﺎﻣﻌﺎﺕ ) Suudaan
daranii yuɓɓinde ñalaaɗe ko
laarani nonnonteendi perndam
( ﺍﻟﺘﻨﻮﻉ ﺍﻟﺜﻘﺎﻓﻲ ), hitaande fow.
Na jeyaa e heen Haaɗtirde
Suudaan Fii Gannde e
Teknolojii ( ﺟﺎﻣﻌﺔ ﺍﻟﺴﻮﺩﺍﻥ ﻟﻠﻌﻠﻮﻡ
ﻭﺍﻟﺘﻜﻨﻮﻟﻮﺟﻴﺎ). Ndee haaɗtirde
yuɓɓinii yontere perndam diga
ñannde 4 haa 9 yunayru, 2014.
Koolol ngol hollirii ngalu
ɗuuɗugol leƴƴi e noonnoteendi
perndam nder leydi Suudaan.
Diiwe e nokkuuje feerotirɗe
(sertuɗe) tawtoraama e
yuɓɓude ndee yontere, ɗum
laatorii huutorde laawol
feddeeji janngooɓe wonɗi nder
haaɗtirde ndee.
Sukaaɓe Fulɓe janngooɓe
tawtoraama e ngol koolol
mawngol, ɓen woni sukaaɓe
jeyaaɓe e wuro wi’eteengo
Tulus ngo Fulɓe koɗi he mum
nder diiwal Daar Fuur. Ko ngoo
wuro woni ñiiɓirde Fulɓe e
ndeen nokkuure.
Men yahii to koolol, he nder
ɗuum men hawri he
banndiraawo men wi’eteeɗo
Ahmad Umar, Hooreejo
Haɓɓere Tulusyankooɓe to
Haaɗtirde Suudaan ( ﺭﺍﺑﻄﺔ ﺗﻠﺲ
ﺑﺠﺎﻣﻌﺔ ﺍﻟﺴﻮﺩﺍﻥ ). O holli Peeral
njuɓɓudi koolol ngol e wejo
ngo Fulɓe werti e maggol.
Men waawiino kadi hawrude he
yoga e banndiraaɓe worɓe e
rewɓe softuɓe, ɓeen woni
sagataaɓee janngooɓee e nden
haaɗtirde ndee. Yimɓe (w)arii
nootike e keewal.
Yuɓɓinɓe koolol ngol huuwii ko
wondi e nafoore, bano wertugo
kuuje (piiji) ko laarani cosaan
e finaa-tawaa booɗɗum masin,
ɗee kuuje Fulɓe hewtirii en
ronaa roni. Ɓe yowii buuli
(kaydiiji) winndaaɗi ko laarani
taariika e perndam fulɓe
Suudaan. Kuuje booɗɗe
(labaaɗe) wejaaɗe ɗee no
moƴƴiraa guri. Ɓe wertii kadi
kuuje ko laarani demal, ɗum
fow (w)addanii men seyo
mawngo.
En waawi wi’ugo banndiraaɓe
ɓee lomtike en to koolol e
mbaadiiji seertuɗi; ɓe yuɓɓinii
gamol Fulɓe anndiraangol
“Daraago”, yoga e sagataaɓe
ɓannginii ɗum. Ɓaawo ɓe tokki
ɗon gimi Fulfulde welɗi masin,
kadi boo ɓe yuɓɓii gime
Fulfulde, ɗum waɗi yimɓe fuu
weltii masinta (sanne).
To wanngere yewtereeji, Fulɓe
teddinaaɓe tawaama, bano
jaayndeyankeejo profesoor
wi’eteeɗo Aliyyu Muumin, ko kanko waɗi yewtere ko laarani taariika Fulɓe nder Suudaan.No jeyaa e tawaaɓe ɓee kadi,
banndiraawo softuɗo wi’eteeɗo Abdurrazzaaq Muhammad Imam Al Fulaani, kanko tiggi
(sinci) fedde wi’eteende
Laawol Fulɓe Suufiyanke
Winnderewol ( ﺍﻟﻄﺮﻳﻘﺔ ﺍﻟﺼﻮﻓﻴﺔ
ﺍﻟﻔﻮﻻﻧﻴﺔ ﺍﻟﻌﺎﻟﻤﻴﺔ ), kadi boo o
jaayndeyanke nanaaɗo, himo softi nder renndooji ngenndi,himo winnda ko laarani taariika e perndam (pinal) Fulɓe.
Ndaaree nate ɗee haa: https://www.facebook.com/pages/Peeral-MediaNetwork/1412833075620945
Goomu Peeral Suudaan: UmarAbuubakir,
BuubakirMuhammad Sammbo,
Khaalida Siddiig
©PMN: www.peeral.com
ليست هناك تعليقات:
إرسال تعليق